കൊച്ചി : കുന്നത്തുനാട് എം.എല്.എ പി.വി ശ്രീനിജന് ആണ് പരിശോധനകള്ക്ക് പിന്നില് എന്ന ആരോപണത്തിലുറച്ച് കിറ്റെക്സ്. കിറ്റെക്സിലെ തുടര്ച്ചയായ പരിശോധനകള്ക്കു പിന്നില് പി.വി ശ്രീനിജന് ആണെന്ന് നേരത്തേ തന്നെ കിറ്റെക്സ് ആരോപണമുന്നയിച്ചിരുന്നു.
എം.എല്.എയുടെ പരാതിയുടെ അടിസ്ഥാനത്തിലാണ് പരിശോധന നടന്നതെന്ന ജില്ലാ വ്യവസായ കേന്ദ്രം ജനറല് മാനേജര് നല്കിയ കുറിപ്പും ജില്ലാ മെഡിക്കല് ഓഫിസറുടെ കത്തും കിറ്റെക്സ് പുറത്തുവിട്ടു. തൊഴില് വകുപ്പിന്റെയും ആരോഗ്യവകുപ്പിന്റെയും പരിശോധനകള്ക്കായി ഉദ്യോഗസ്ഥരെ സമ്മര്ദം ചെലുത്തിയെന്നും കിറ്റെക്സ് ആരോപിക്കുന്നു.