കോന്നി : കോന്നിയിൽ യുവാവിനെ കൃഷിയിടത്തിലെ കിണറ്റിൽ മരിച്ച നിലയിൽ കണ്ടെത്തി. കോന്നി കിഴക്കുപുറം പുത്തൻബംഗ്ലാവിൽ ഷാജി (49)യെ ആണ് മരിച്ച നിലയിൽ കണ്ടെത്തിയത്. ഷാജിയെ കാണാതായതിനെ തുടർന്ന് വീട്ടുകാർ അന്വേഷിച്ചപ്പോൾ വീടിന് കുറച്ച് അകലെയായി കൃഷിയിടത്തിലെ കിണറ്റിൽ മൃതദേഹം കാണപ്പെടുകയായിരുന്നു. കോന്നി പോലീസ്, ഫയർ ഫോഴ്സ് എന്നിവർ സ്ഥലത്ത് എത്തി നടപടികൾ സ്വീകരിച്ചു. മൃതദേഹം പോസ്റ്റുമോർട്ടത്തിന് ശേഷം ബന്ധുക്കൾക്ക് വിട്ടുനൽകും. ഭാര്യ – മിനി.
