തിരുവനന്തപുരം : നിയമസഭയില് കെ.കെ. ലതികയെ കൈയേറ്റം ചെയ്തെന്ന കേസില് മുന് കോണ്ഗ്രസ് എംഎല്എമാര്ക്ക് വാറണ്ട്. എം.എ. വാഹിദ്, എ.ടി. ജോര്ജ് എന്നിവര്ക്കാണ് വാറണ്ട്. തിരുവനന്തപുരം ഒന്നാം ക്ലാസ് ചീഫ് ജുഡീഷല് മജിസ്ട്രേറ്റ് കോടതി മൂന്നിന്റേതാണ് ഉത്തരവ്. കെ.കെ. ലതിക നല്കിയ പരാതിയിലാണ് കോടതി നേരിട്ട് കേസ് എടുത്തത്. പല തവണ ആവശ്യപ്പെട്ടിട്ടും മുന് എംഎല്എമാര് ഹാജരാകാത്തതിനെ തുടര്ന്നാണ് വാറണ്ട് പുറപ്പെടുവിച്ചത്. കേസ് അടുത്ത മാസം ഒന്നിനു വീണ്ടും പരിഗണിക്കും. 2015 മാര്ച്ച് 13ന് ബജറ്റ് അവതരണ വേളയില് ഇടതുപക്ഷ എംഎല്എമാരുടെ പ്രതിഷേധം കൈയാങ്കളിയിലെത്തിയതിനിടെ ലതികയ്ക്ക് മര്ദനമേറ്റു എന്നാണു കേസ്.
