കോഴിക്കോട് : കോടിഷ് നിധി തട്ടിപ്പിലെ പ്രധാന പ്രതി അബ്ദുല്ലക്കുട്ടിയെ പോലീസ് അറസ്റ്റ് ചെയ്തു. കോഴിക്കോട് സിറ്റി ക്രൈംബ്രാഞ്ചാണ് അറസ്റ്റ് ചെയ്തത്. കേന്ദ്രസര്ക്കാര് നിക്ഷേപ പദ്ധതിയെന്ന പേരില് ആളുകളില് നിന്ന് പണം തട്ടിയെന്നാണ് പരാതി. കോഴിക്കോട് ഫറോക്കിലാണ് കോടിഷ് നിധി എന്ന സ്ഥാപനം പ്രവര്ത്തിച്ചിരുന്നത്.
ഉയര്ന്ന പലിശ വാഗ്ദാനം ചെയ്താണ് ആളുകളില് നിന്ന് നിക്ഷേപം സ്വീകരിച്ചിരുന്നത്. 2020 നവംബര് മുതല് നിക്ഷേപകര്ക്ക് പണമോ പലിശയോ ലഭിച്ചിരുന്നില്ല. ഇതേതുടര്ന്നാണ് നിക്ഷേപകര് പോലീസിനെ സമീപിച്ചത്. പ്രതിയെ പിടികൂടണമെന്ന് ആവശ്യപ്പെട്ട് നാട്ടുകാര് ആക്ഷന് കമ്മിറ്റി രൂപീകരിച്ചിരുന്നു.
