കോട്ടയം : മാണി സി കാപ്പന്റെ എല്ഡിഎഫ് പ്രവേശനവുമായി ബന്ധപ്പെട്ട് പ്രതികരണവുമായി സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്.
കാപ്പന് എല്ഡിഎഫിലേക്ക് വരാനാകില്ലെന്നും വരണമെങ്കില് അദ്ദേഹം എംഎല്എ സ്ഥാനം രാജി വെയ്ക്കണമെന്നും കോടിയേരി വ്യക്തമാക്കി. യുഡിഎഫിനെതിരെ കഴിഞ്ഞ ദിവസം കാപ്പന് നിരവധി ആരോപണങ്ങള് ഉന്നയിച്ചിരുന്നു.
യുഡിഎഫില് തന്നെ തഴയുന്നുവെന്നായിരുന്നു കാപ്പന്റെ ആരോപണം. ഇതിനു പിന്നാലെയാണ് കാപ്പന് എല്ഡിഎഫിലേക്ക് പ്രവേശിക്കുമോയെന്ന തരത്തിലുള്ള വാര്ത്തകള് പ്രചരിച്ചത്. സില്വര് ലൈന് വിരുദ്ധ സമരവുമായി ബന്ധപ്പെട്ട് യുഡിഎഫ് സംഘം മാടപ്പള്ളിയിലേക്കു പോയപ്പോള് വിളിക്കാഞ്ഞതും മുട്ടില് മരംമുറിയുമായി ബന്ധപ്പെട്ട യുഡിഎഫ് സംഘത്തില് ഉള്പ്പെടുത്താത്തതുമാണ് കാപ്പനെ പ്രകോപിപ്പിച്ചത്.
