കൊടുമൺ : അങ്ങാടിക്കൽ സർവിസ് സഹകരണ ബാങ്ക് മുഖേനയുള്ള ക്ഷേമ പെൻഷനുകൾ വിതരണം ചെയ്യുന്നത് സി.പി.എമ്മിന്റെ പ്രാദേശിക നേതാക്കളെന്ന് പരാതി. ബാങ്ക് ജീവനക്കാർ പെൻഷൻ വിതരണം ചെയ്യാനാണ് ചുമതലപ്പെടുത്തിയിട്ടുള്ളത്. എന്നാൽ സി.പി.എമ്മിന്റെ പ്രാദേശിക നേതാക്കൾ പെൻഷൻ വിതരണം ഏറ്റെടുത്തതായി കോൺഗ്രസ് അങ്ങാടിക്കൽ മണ്ഡലം കമ്മിറ്റി ആരോപിച്ചു. ഇതുമൂലം ഗുണഭോക്താക്കൾക്ക് യഥാർഥ പെൻഷൻ ലഭിക്കുന്നിെല്ലന്ന പരാതികളും വ്യാപകമാണ്. ഇക്കാര്യങ്ങൾ അറിഞ്ഞിട്ടും അധികാരികൾ കണ്ടില്ലെന്ന് നടിക്കുകയാണെന്നും ഇത് പ്രതിഷേധാർഹമാണെന്നും കോൺഗ്രസ് കമ്മിറ്റി ആരോപിച്ചു.
