റാന്നി : കൊറ്റനാട് ഗ്രാമപഞ്ചായത്ത് പ്രസിഡന്റ് തെരഞ്ഞെടുപ്പ് ഓഗസ്റ്റ് 14-ന് രാവിലെ 11-ന് നടക്കും. പ്രസിഡന്റായിരുന്ന സി.പി.എമ്മിലെ എം.എസ്.സുജാത അവിശ്വാസത്തിലൂടെ പുറത്തായതിനെത്തുടർന്നാണ് തെരഞ്ഞെടുപ്പ് വേണ്ടിവന്നത്. വനിതാ പട്ടികജാതി വിഭാഗത്തിൽപ്പെട്ട അംഗങ്ങൾ ഇല്ലാത്തതിനാൽ സി.പി.എം. അംഗത്തെ കോൺഗ്രസ് നേരത്തേ പിന്തുണയ്ക്കുകയായിരുന്നു. 13- അംഗ ഭരണസമിതിയിൽ കോൺഗ്രസ്-ഏഴ്, ബി.ജെ.പി. മൂന്ന്, സി.പി.എം. രണ്ട്, സി.പി.ഐ.-ഒന്ന് എന്നിങ്ങനെയാണ് കക്ഷിനില. സി.പി.എമ്മിനും ബി.ജെ.പി.ക്കും മാത്രമാണ് വനിതാ പട്ടികജാതി വിഭാഗത്തിൽപ്പെട്ട അംഗങ്ങളുള്ളത്.
