കൊല്ലം: ദേശീയപാത അതോറിറ്റി കൊല്ലം ബൈപ്പാസിലെ ടോള് നിരക്ക് വര്ദ്ധിപ്പിച്ചു. 10 ശതമാനം വര്ദ്ധനവ് ഇന്നലെയാണ് നിലവില് വന്നത് . കുരീപ്പുഴ ടോള് പ്ളാസയില് നിന്ന് 20 കിലോമീറ്റര് ദൂര പരിധിയില് താമസിക്കുന്നവരുടെ സ്വകാര്യ വാഹനങ്ങള്ക്ക് പ്രതിമാസം നല്കേണ്ട തുക 285 ല് നിന്ന് 315 രൂപയായി ഉയര്ത്തിയിട്ടുണ്ട്. പുതുക്കിയ നിരക്ക് ചുവടെ. ഫാസ് ടാഗ് ഇല്ലാത്തവര്ക്ക് ഇരട്ടി തുക നല്കേണ്ടി വരും. വാഹനങ്ങളുടെ വിഭാഗം, ഒരുവഴിക്ക് മാത്രം, ഒരു ദിവസത്തിനുള്ളിലെ മടക്കയാത്ര, പ്രതിമാസ നിരക്ക് (50 യാത്രകള്ക്ക്), ജില്ലയില് രജിസ്റ്റര് ചെയ്ത വ്യാവസായിക വാഹനം എന്ന ക്രമത്തില്.
കാര്, ജീപ്പ്, വാന് – 25(25) – 35(40) – 780 (885) – 10 (15)
എല്.സി.വി, എന്.ജി.വി, മിനി ബസ് – 40 (45) – 55 (65) – 1260 (1430) – 20 (20)
ബസ്, ട്രക്ക് രണ്ട് ആക്സില് – 80 (90) – 120 (135) – 2640 (3000) – 40 (45)
വ്യാവസായിക വാഹനം (3 ആക്സില്) – 85 (100) – 130 (145) – 2880 (3275) – 45 (50)
കണ്സ്ട്രക്ഷന് മെഷിനറി (4-6 ആക്സില്) – 125 (140) – 185 (210) – 4140 (4705) – 60 (70)
ഏഴില് കൂടുതല് ആക്സില് – 150 (170) – 225 (260) – 5040 (5730) – 75 (85)
