നാഗര്കോവില് : കൊല്ലങ്കോട് തൂക്ക മഹോത്സവത്തിന് കൊടിയേറി. മൂലക്ഷേത്രത്തില് നിന്ന് വാദ്യഘോഷങ്ങളുടെയും ഭക്തസഹസ്രങ്ങളുടെയും അകമ്പടിയോടെ വെങ്കഞ്ഞി ക്ഷേത്രത്തില് എത്തിയ ദേവിയെ രാത്രി ഏഴോടെ ശ്രീകോവിലില് കുടിയിരുത്തിയശേഷം കൊടിയേറ്റവും നടന്നു. ക്ഷേത്രതന്ത്രി കൊട്ടാരക്കര നീലമന ഈശ്വരന് പോറ്റിയുടെ മുഖ്യകാര്മികത്വത്തിലാണ് ചടങ്ങുകള് നടന്നത്.
ചടങ്ങില് ദേവസ്വം പ്രസിഡന്റ് രാമചന്ദ്രന് നായര്, സെക്രട്ടറി വി. മോഹന്കുമാര് തുടങ്ങിയ ക്ഷേത്ര ഭാരവാഹികള് പങ്കെടുത്തു. ആഘോഷപരിപാടികള് തമിഴ്നാട് ഗവര്ണര് ആര്.എന്. രവി ഉദ്ഘാടനം ചെയ്തു. കിള്ളിയൂര് എം.എല്.എ രാജേഷ് കുമാര് പങ്കെടുത്തു. ചരിത്ര പ്രസിദ്ധമായ തൂക്കനേര്ച്ച ഏപ്രില് 4ന് നടക്കും.
