കോന്നി : കൊവിഡ് രോഗ വ്യാപനത്തെ തുടർന്ന് സർക്കാർ നിർദ്ദേശപ്രകാരം കണ്ടെയ്മെന്റ് സോണുകളാക്കി മാറ്റിയ കോന്നി ഗ്രാമപഞ്ചായത്തിലെ വാർഡുകളിൽ തുറന്ന് പ്രവർത്തിച്ച സ്ഥാപനങ്ങൾ റവന്യൂ ഉദ്യോഗസ്ഥർ എത്തി അടപ്പിച്ചു. കോന്നി ഗ്രാമപഞ്ചായത്തിലെ ഒന്ന്, പതിനാറ് വാർഡുകളാണ് കണ്ടെയ്മെന്റ് സോണുകളിൽ ഉൾപ്പെടുത്തിയിരുന്നത്. എന്നാൽ ഇത് മറികടന്ന് നിരവധി വ്യാപാര സ്ഥാപനങ്ങൾ ഇവിടെ തുറന്നു പ്രവർത്തിച്ചിരുന്നു. ബാർബർ ഷോപ്പുകളും തുണിക്കടകളുമെല്ലാം തുറന്ന് പ്രവർത്തിച്ച സ്ഥാപനങ്ങളിൽ ഉൾപ്പെടുന്നു. തുടര്ന്ന് റവന്യു ഉദ്യോഗസ്ഥര് എത്തി കടകള് അടപ്പിക്കുകയായിരുന്നു.
