കോന്നി : കോന്നിയിൽ വിപുലമായ രീതിയിൽ ശിശുദിനാഘോഷ പരിപാടികൾ നടന്നു. പൂർണ്ണമായും കുട്ടികളുടെ നിയന്ത്രണത്തിൽ ആണ് ശിശുദിനാഘോഷം നടന്നത്. കോന്നി ബ്ലോക്ക് തല ശിശുദിനാഘോഷ പരിപാടികൾ കോന്നി ആർ വി എച്ച് എസ് എസ് ൽ ബ്ലോക്ക് പഞ്ചായത്ത് പ്രസിഡന്റ് ജിജി സജി ഉദ്ഘാടനം ചെയ്തു. പി ടി ഐ പ്രസിഡണ്ട് മനോജ് പുളിവേലിൽ അധ്യക്ഷത വഹിച്ചു. ജില്ലാ പഞ്ചായത്ത് അംഗം റോബിൻ പീറ്റർ ഫ്ളാഗ് ഓഫ് നിർവഹിക്കുകയും ശിശുദിന സന്ദേശം നൽകുകയും ചെയ്തു. കോന്നി എ ഇ ഓ സന്ധ്യ എസ്, ശ്രീജ പി വി, പ്രിൻസിപ്പൽ സുനിൽ ആർ തുടങ്ങിയവർ സംസാരിച്ചു.
കോന്നി ആർ വി എച്ച് എസ് എസ് ൽ നിന്നും ആരംഭിച്ച ശിശുദിന റാലി കോന്നി ഗവൺമെന്റ് ഹയർ സെക്കണ്ടറി സ്കൂളിൽ സമാപിച്ചു.തുടർന്ന് നടന്ന സമാപന സമ്മേളനം കുട്ടികളുടെ പ്രധാന മന്ത്രി മുസ്ലിയാർ മോഡൽ എൽ പി സ്കൂൾ വിദ്യാർത്ഥി സിയാ സുമൻ ഉദ്ഘാടനം ചെയ്തു.വള്ളിക്കോട് ജി എൽ പി എസ് സ്കൂൾ വിദ്യാർത്ഥിനി ദേവശ്രീ ആർ അധ്യക്ഷത വഹിച്ചു.കോന്നി ജി എച്ച് എസ് എസ് വിദ്യാർത്ഥിനി ദേവപ്രീയ ശിശുദിന സന്ദേശം നൽകി.
നിയാ റജി,സ്നേഹ സാജൻ തുടങ്ങിയവർ ശിശുദിന ഗാനം ആലപിച്ചു.കോന്നി എം എൽ എ കെ യു ജെനീഷ് കുമാർ,ബ്ലോക്ക് പഞ്ചായത്ത് പ്രസിഡന്റ് ജിജി സജി,ബ്ലോക്ക് അംഗം തുളസീമണിയമ്മ,ജില്ലാ പഞ്ചായത്ത് അംഗം വി റ്റി അജോമോൻ,ഗ്രാമ പഞ്ചായത്ത് അംഗം ഉദയകുമാർ കെ ജി,കോന്നി എ ഇ ഓ സന്ധ്യ എസ്,ആർ വി എച്ച് എസ് എസ് എച്ച് എം ശ്രീകുമാർ,കോന്നി ജി എച്ച് എസ് എസ് എസ് എം സി ചെയർമാൻ രാജു എച്ച് എം ശ്രീജ പി വി,നാടിനെ നിസാർ തുടങ്ങിയവർ സംസാരിച്ചു.
