മല്ലപ്പള്ളി : ചാലാപ്പള്ളി – കോട്ടാങ്ങൽ ബാസ്റ്റോ റോഡിൽ ഉപേക്ഷിക്കപ്പെട്ട കലുങ്ക് അപകട ഭീഷണി ഉയർത്തുന്നു. പെരുമ്പെട്ടി പോലിസ് സ്റ്റേഷന് സമിപത്താണ് ഉപേക്ഷിക്കപ്പെട്ട കലുങ്കിന്റെ ഒരു ഭാഗത്ത് അപകടം പതിയിരിക്കുന്നത്. ഇവിടെ റോഡിന്റെ ഇരുവശങ്ങളിലും ഐറിഷ് കോൺക്രീറ്റ് വിരിച്ചിട്ടുണ്ട്. എന്നാൽ ഒരു ഭാഗത്ത് മാത്രം നാലു മീറ്റർ നീളത്തിൽ ഉപേക്ഷിച്ച നിലയിലുമാണ്. ഇവിടെ അഞ്ച് അടിയോളം താഴചയുള്ള കുഴിയുമാണ്. എതിർ ദിശയിൽ നിന്നും വരുന്ന വലിയ വാഹനങ്ങൾക്ക് സൈഡ് നൽകുമ്പോൾ ചെറു വാഹനങ്ങൾ അപകടത്തിൽപ്പെടുന്നത് പതിവ് കാഴ്ചയാണ്. നിരവധി വാഹനങ്ങളാണ് ദിവസങ്ങൾക്ക് ഉള്ളിൽ കുഴിയിൽ അകപ്പെട്ടത്. അപകടം ഒഴിവാക്കാൻ നടപടി ഉണ്ടാകണമെന്ന നാട്ടുകാരുടെ ആവശ്യം ശക്തമായിരിക്കുകയാണ്.
