കോട്ടയം : ജില്ലാ കളക്ടര് എം. അഞ്ജനയും എഡിഎമ്മും ക്വാറന്റൈനില് പ്രവേശിച്ചു. കളക്ടറുടെ സ്റ്റാഫ് അംഗത്തിന് കോവിഡ് സ്ഥിരീകരിച്ച സാഹചര്യത്തിലാണ് തീരുമാനം. ഇതിനിടെ കോട്ടയത്തെ ഒരു മാളിലെ ജ്വല്ലറി ജീവനക്കാരനും കോവിഡ് സ്ഥിരീകരിച്ചു. ചുങ്കം മള്ളൂശേരി സ്വദേശിക്കാണ് രോഗം ബാധിച്ചത്. ഒരാഴ്ചയായി ഇയാള് സ്ഥാപനത്തില് ജോലിക്ക് എത്തിയിരുന്നില്ല. ജീവനക്കാരന് കോവിഡ് സ്ഥിരീകരിച്ചതിനെ തുടര്ന്ന് മാള് അണുവിമുക്തമാക്കിയതായി അധികൃതര് അറിയിച്ചു.
