പള്ളുരുത്തി : കോട്ടണ് ചൂതാട്ടം നടത്തിയ ഏഴുപേര് അറസ്റ്റില്. ഇടക്കൊച്ചി പുത്തന്പുരക്കല് വീട്ടില് ഷഫീഖ്, ഇടക്കൊച്ചി തെക്കുംമുറി വീട്ടില് സുനീര്, ഇടക്കൊച്ചി അക്വിനാസ് കോളജിനു സമീപം ചെമ്പിട്ടവീട്ടില് അഷ്കര്, കടേഭാഗം കളത്തിപറമ്പ് വീട്ടില് ഹബീബ്, പാണാവള്ളി പള്ളിക്കടവ് വീട്ടില് മുഹമ്മദ് ഇര്ഫാന്, ഇടക്കൊച്ചി ബംഗ്ലാവ് പറമ്പില് ഷിനാസ്, ഇടക്കൊച്ചി തേവന്ചേരി പറമ്പില് മുബാറക് എന്നിവരെയാണ് അറസ്റ്റ് ചെയ്തത്. മട്ടാഞ്ചേരി അസി.പോലീസ് കമീഷണര് വി.ജി. രവീന്ദ്രനാഥിന്റെ നേതൃത്വത്തില് പള്ളുരുത്തി എസ്.ഐമാരായ പി.പി ജസ്റ്റിന്, സെബാസ്റ്റ്യന് പി ചാക്കോ, കെ.എസ് ജോര്ജ് എന്നിവര് ചേര്ന്നാണ് അറസ്റ്റ് ചെയ്തത്.
പള്ളുരുത്തി കള്ളുഷാപ് റോഡിലെ സ്വകാര്യ ലോഡ്ജും പരിസരങ്ങളും കേന്ദ്രീകരിച്ച് പണം വെച്ചുള്ള ചീട്ടുകളിയും കോട്ടണ് കളിയും നടക്കുന്നുണ്ടെന്ന രഹസ്യവിവരത്തിന്റെ അടിസ്ഥാനത്തിലാണ് പരിശോധന നടത്തിയത്. ഇവരില് നിന്ന് അരലക്ഷത്തോളം രൂപയും ആറ് മോട്ടോര് ബൈക്കും കളിക്ക് ഉപയോഗിക്കുന്ന ചീട്ടുകളും പിടിച്ചെടുത്തു. മട്ടാഞ്ചേരി അസി.കമീഷണറുടെ സ്പെഷല് ടീം അംഗങ്ങളായ എസ്.ഐ മധുസൂദനന്, എഡ്വിന് റോസ്, കെ.എ. അനീഷ്, പ്രശാന്ത്, പ്രശോഭ്, ബിബിന്, പ്രജീഷ് എന്നിവരും സംഘത്തിലുണ്ടായിരുന്നു. പ്രതികളെ കോടതിയില് ഹാജരാക്കി.
