തിരുവനന്തപുരം : കോവളം എം.എല്.എ എം.വിന്സെന്റിന്റെ കാര് അടിച്ചുതകര്ത്തു. വീടിന് മുന്നില് നിര്ത്തിയിട്ടിരുന്ന കാര് ആണ് തകര്ത്തത്. ഇന്ന് രാവിലെയാണ് എം.എല്.എ ഓഫീസിന് മുമ്പില് നിറുത്തിയിട്ടിരുന്ന കാര് അടിച്ചുതകര്ത്തത്. ഈ സമയം ഓഫീസില് എം.എല്.എ ഉണ്ടായിരുന്നു. ഉച്ചക്കട സ്വദേശി സന്തോഷിനെ പോലീസ് കസ്റ്റഡിയിലെടുത്തു. ഇയാള് മാനസികഅസ്വാസ്ഥ്യമുള്ളയാളാണെന്ന് പോലീസ് അറിയിച്ചു. ശബരിമല സ്ത്രീ പ്രവേശനം തടഞ്ഞില്ല, മുല്ലപ്പെരിയാര് ഡാം പൊട്ടാതിരിക്കാന് നടപടി എടുക്കണം എന്നീ ആവശ്യങ്ങള് ഉന്നയിച്ചായിരുന്നു പ്രതിയുടെ ആക്രമണം.
