കോഴഞ്ചേരി: 2022-23 സാമ്പത്തിക വർഷത്തെ കരട് പദ്ധതി അന്തിമാക്കുന്നതിൽ കോയിപ്രം പഞ്ചായത്ത് വൈസ് പ്രസിഡന്റിൻെറ വിയോജനം. പദ്ധതി രൂപികരണത്തിൽ കൂടിയാലോചന നടത്തിയില്ലെന്നും വൈസ് പ്രസിഡന്റ് പ്രതിനിധികരിക്കുന്ന വാർഡ് ഗ്രാമസഭാ നിർദ്ദേശങ്ങൾ അവഗണിച്ചതിലും പഞ്ചായത്ത് ഓഫീസ് നവീകരണം നടത്തി 3വർഷം പോലും തികയാത്ത ഓഫീസ് കെട്ടിടത്തിൻെറ മെയിൻറനൻസിന് തനത് ഫണ്ടിൽ നിന്നും 30ലക്ഷം വകയിരുത്തിയതിലും എസ്.സി പശ്ചാത്തലമേഖലയ്ക്ക് ഫണ്ട് വകയിരുത്താത്തതിലും പ്രതിഷേധിച്ചാണ് വൈസ് പ്രസിഡൻറ് വിയോജനം രേഖപ്പെടുത്തിയത്. നാലാം വാർഡ് നിവാസികൾക്ക് നീതി ലഭിക്കുന്നതുവരെ വൈസ് പ്രസിഡന്റ് പ്രതിഷേധം തുടരുമെന്നും നീതിയ്ക്കുവേണ്ടി വകുപ്പ് മന്ത്രി പഞ്ചായത്ത് ഡയറക്ടർ, ഓംബുഡ്സ്മാൻ എന്നിവർക്ക് പരാതി നൽകുമെന്നും അറിയിച്ചു.
