തിരുവനന്തപുരം : കെപിസിസി അദ്ധ്യക്ഷ തിരഞ്ഞെടുപ്പ് ഈ മാസം 15ന്. വ്യാഴാഴ്ച്ച ചേരുന്ന ജനറല്‍ ബോഡി യോഗത്തില്‍ അദ്ധ്യക്ഷനെ തെരഞ്ഞെടുക്കും. ജി.പരമേശ്വരയ്യയെ തെരഞ്ഞെടുപ്പ് റിട്ടേണിങ്ങ് ഓഫീസറായി എഐസിസി ചുമതലപ്പെടുത്തി. സംഘടനാ തെരഞ്ഞെടുപ്പോടെ കെ സുധാകരന്‍റെ അദ്ധ്യക്ഷ പദവിയിലെ കാലാവധി കഴിയും.
ആസ്ഥാനമായ ഇന്ദിരാഭവനില്‍ വ്യാഴാഴ്ച്ച രാവിലെ 11ന് കെപിസിസി ജനറല്‍ ബോഡി യോഗം ചേര്‍ന്നിരുന്നു. എന്നാല്‍ കെ.പി.സി.സി പ്രസിഡന്റ് സ്ഥാനത്തേക്ക് ടി സിദ്ദിഖിനും സാധ്യതയുണ്ടെന്നെന്നത് നേത്യത്ത്വത്തില്‍ തന്നെ പരസ്യമായ രഹസ്യമാണ്. സമവായത്തിലൂടെയുള്ള തിരഞ്ഞെടുപ്പായത് കൊണ്ടു തന്നെ കെപിസിസി അധ്യക്ഷനായി കെ.സുധാകരന്‍ തന്നെ തുടരും എന്നാണ് ഇപ്പോഴത്തെ ധാരണ. എന്നാല്‍ കേരളത്തില്‍ മത്സരം ഒഴിവാക്കണം എന്ന തീരുമാനമാണ് പൊതുവേ നേതാക്കള്‍ക്കിടയിലുള്ളത്.
