സില്‍വര്‍ലൈന്‍ പദ്ധതി കേരളത്തിന് യോജിക്കുന്നതല്ല ;പിണറായി വിജയന്റെ മോഹം നടക്കില്ല – ഉമ്മന്‍ചാണ്ടി

തിരുവനന്തപുരം: സില്‍വര്‍ലൈന്‍ പദ്ധതി കേരളത്തിന് യോജിക്കുന്നതല്ലെന്നും ഇത് കേരളത്തില്‍ നടപ്പാകില്ലെന്നും കോണ്‍ഗ്രസ് നേതാവ് ഉമ്മന്‍ ചാണ്ടി. പദ്ധതി നടപ്പാക്കണമെന്നത് പിണറായി വിജയന്റെ പിടിവാശിയാണെന്നും അദ്ദേഹം കുറ്റപ്പെടുത്തി. ജനാധിപത്യത്തില്‍ ജനങ്ങളുടെ പ്രതിഷേധം അപമാനമായി കാണരുത്. നേത്തെ നെടുമ്പാശ്ശേരി വിമാനത്താവളത്തിനെതിരെ സമരം ചെയ്തവരാണ് സി.പി.എമ്മുകാര്‍. ഇന്നവര്‍ വിമാനത്താവളത്തിന്റെ ഭരണ തലപ്പത്ത് ഉണ്ട്. കണ്ണൂര്‍ വിമാനത്താവളത്തില്‍ യു.ഡി.എഫ് സര്‍ക്കാരിന്റെ പങ്ക് എന്താണ് എന്നുള്ളത് ജനങ്ങള്‍ക്ക് അറിയാമെന്നും ഉമ്മന്‍ ചാണ്ടി പറഞ്ഞു.