തൊടുപുഴ : കെ.എസ്.ഇ.ബി.പെന്ഷനേഴ്സ് അസോസിയേഷന് സംസ്ഥാന സമ്മേളനത്തിന് മുന്നോടിയായി ഇടുക്കി ജില്ലാ സമ്മേളനം തിങ്കളാഴ്ച്ച രാവിലെ 10ന് തൊടുപുഴ പെന്ഷന് ഭവനില് ചേരും. സമ്മേളനം കെ.എസ്.ഇ.ബി.പി.എ സംസ്ഥാന ജനറല് സെക്രട്ടറി പി.ബാലകൃഷ്ണപിള്ള ഉദ്ഘാടനം ചെയ്യും. ജില്ലാ പ്രസിഡന്റ് എ.കെ ശ്രീധരന് അദ്ധ്യക്ഷത വഹിക്കും.
സംസ്ഥാന സെക്രട്ടറി എന്.പ്രേമകുമാരിയമ്മ, സംസ്ഥാന ട്രഷറര് രാംകുമാര്, പി.എസ് ഭോഗീന്ദ്രന് എന്നിവര് പ്രസംഗിക്കും. അന്നേദിവസം ഉച്ചകഴിഞ്ഞ് നടക്കുന്ന സംസ്ഥാന സമ്മേളന സ്വാഗതസംഘ രൂപീകരണ യോഗം മുനിസിപ്പല് ചെയര്മാന് സനീഷ് ജോര്ജ്ജ് ഉദ്ഘാടനം ചെയ്യുമെന്ന് ജില്ലാ സെക്രട്ടറി കെ.സി ഗോപിനാഥന് നായര് അറിയിച്ചു.
