കോന്നി : കോന്നി പൂങ്കാവ് ചന്ദനപ്പള്ളി റോഡില് കെ എസ് ആര് ടി സി ബസ്സ് സര്വീസ് അനുവദിക്കണമെന്ന ആവശ്യം ശക്തമാകുന്നു. കോന്നി മിനി സിവില് സ്റ്റേഷന്, താലൂക്ക് ആശുപത്രി, ആനത്താവളം, കെ എസ് ഇ ബി ഓഫീസ്, ജോയിന്റ് ആര് ടി ഓ ഓഫീസ്, ഇന്ഡോര് സ്റ്റേഡിയം, ആരാധനാലയങ്ങള്, മറ്റ് ഇതര സ്ഥാപനങ്ങള് തുടങ്ങി പൊതു ജനങ്ങള് ഏറ്റവും കൂടുതല് ബന്ധപ്പെടുന്ന എല്ലാ സ്ഥാപനങ്ങളും ഈ റോഡിലാണ് ഉള്ളത്.
എന്നാല് ദിവസേന നൂറുകണക്കിന് ആളുകള് സഞ്ചരിക്കുന്ന റോഡില് വിരലില് എണ്ണാവുന്ന സ്വകാര്യ ബസുകള് സര്വീസ് നടത്തുന്നത്. സര്വീസ് നടത്തുന്ന സ്വകാര്യ ബസുകളും കൃത്യ സമയം പാലിക്കുന്നില്ലാഎന്നും യാത്രക്കാര്ക്ക് പരാതി പറയുന്നുണ്ട്. യാത്രക്കാരെ കയറ്റുന്നത് സംബന്ധിച്ച് സ്വകാര്യ ടാക്സി ഡ്രൈവര്മാരും സ്വകാര്യ ബസ്സ് ജീവനക്കാരും തമ്മില് ഇവിടെ തര്ക്കങ്ങളും പതിവാണ്.
കോന്നിയില് നിന്ന് പൂങ്കാവ്, വാഴമുട്ടം, താഴൂര്കടവ് ഭാഗത്തേക്ക് പോകേണ്ട യാത്രക്കാര് ടാക്സി വാഹനങ്ങളിലും മറ്റും കയറി പൂങ്കാവില് എത്തിയതിന് ശേഷം ഇവിടെ നിന്നും വീണ്ടും ടാക്സിയെ ആശ്രയിച്ചെങ്കില് മാത്രമേ ലക്ഷ്യ സ്ഥാനത്ത് എത്തിച്ചേരുവാന് കഴിയുള്ളു. ഇത് ജനങ്ങള്ക്ക് വലിയ യാത്ര ദുരിതമാണ് സമ്മാനിക്കുന്നത്.
ബസ്സുകളുടെ കുറവ് മുതലെടുത്ത് ടാക്സി വാഹനങ്ങള് അമിത ചാര്ജ് ഈടാക്കുന്നു എന്നും പരാതി ഉയരുന്നുണ്ട്. വള്ളിക്കോട് കൈപ്പട്ടൂര് റോഡിലും ഇത് തന്നെയാണ് അവസ്ഥ. ഈ റൂട്ടില് കെഎസ്ആര്ടിസി ബസ്സ് സര്വീസ് അനുവദിച്ചാല് ഇളകൊള്ളൂര്. പ്രമാടം, ചപ്പാത്ത് മുക്ക്, വാഴമുട്ടം, തെങ്ങുംകാവ്, പന്നിക്കണ്ടം തുടങ്ങി നിരവധി സ്ഥലങ്ങളിലെ ആളുകള്ക്കാവും യാത്രാ ക്ലേശത്തിന് പരിഹാരമാവുകയുള്ളു.
