തിരുവനന്തപുരം : കെ.എസ്.ആര്‍.ടി.സിയില്‍ സമഗ്രമാറ്റത്തിന് സര്‍ക്കാര്‍ ഒരുങ്ങുന്നുവെന്ന് കഴിഞ്ഞ ദിവസം വകുപ്പ് മന്ത്രി വ്യക്തമാക്കിയിരുന്നു. പരിഷ്‌കാരങ്ങളുടെ ആദ്യനീക്കമെന്ന നിലയില്‍ കെ.എസ്.ആര്‍.ടി.സിയില്‍ ഡബിള്‍ ഡ്യൂട്ടി സമ്പ്രദായം നിര്‍ത്തലാക്കി. പകരം 12 മണിക്കൂര്‍ സിംഗിള്‍ ഡ്യൂട്ടിയാക്കി.
ഡ്രൈവര്‍മാര്‍ക്ക് സ്റ്റിയറിങ് ഡ്യൂട്ടി ഏഴ് മണിക്കൂര്‍ എന്നത് 8 മണിക്കൂറും പരമാവധി 10 മണിക്കൂറുമെന്നതാണ് പുതിയ വ്യവസ്ഥ. ആഴ്ചയില്‍ 48 മണിക്കൂര്‍ ജോലി ചെയ്താല്‍ മതി. എന്നാല്‍ ഗതാഗതകുരുക്കില്‍പ്പെട്ട് വാഹനം ഓടിയെത്തുന്ന സമയം വെച്ച് ഈ ഡ്യൂട്ടി സമയം പോരെന്നാണ് ജീവനക്കാരുടെ സംഘടനകളുടെ നിലപാട്. ചില സര്‍വീസുകള്‍ക്ക് പഴയ സമ്പ്രദായം തുടരാം. എന്നാല്‍ അത്യാവശ്യഘട്ടങ്ങളില്‍ ഡബിള്‍ ഡ്യൂട്ടിയെന്ന നിര്‍ദ്ദേശവും പരിഷ്‌കാരങ്ങളിലുണ്ട്.
8 മണിക്കൂര്‍ ജോലി, 8 മണിക്കൂര്‍ വിനോദം, 8 മണിക്കൂര്‍ വിശ്രമം എന്ന തൊഴില്‍ മാനദണ്ഡം നിലനില്‍ക്കുന്ന ഒരു രാജ്യത്ത് 12 മണിക്കൂര്‍ സിംഗിള്‍ ഡ്യൂട്ടി ഉത്തരവ് അംഗീകരിക്കാനാവില്ലെന്നാണ് കെഎസ്ടി എംപ്ലോയീസ് സംഘിന്റെ നിലപാട്. ഇതിനെതിരെ പ്രതിഷേധവുമായി സംഘടനകള്‍ രംഗത്തുണ്ട്
