കൊച്ചി : മൂവാറ്റുപുഴ തീക്കൊള്ളി പാറയില് മുന് കെഎസ്ആര്ടിസി ജീവനക്കാരന് റോഡില്തീ കൊളുത്തി ആത്മഹത്യ ചെയ്തു. മൂവാറ്റുപുഴ കെഎസ്ആര്ടിസിക്ക് സമീപം താമസിക്കുന്ന കെ ബേബിക്കുട്ടന് എന്ന് വിളിക്കുന്ന കെ എന് അജയകുമാറാണ് മരിച്ചത്. ഇന്ന് ഉച്ചയ്ക്ക് ഒരു മണിയോടെയാണ് സംഭവം നടന്നത്. ബൈക്കിലെത്തിയ അജയകുമാര് കൈയില് കരുതിയിരുന്ന പെട്രോള് ദേഹത്ത് ഒഴിച്ച് സ്വയം തീകൊളുത്തുകയായിരുന്നുവെന്ന് ദൃക്സാക്ഷികള് പറഞ്ഞു.
സാമ്പത്തിക ബാധ്യതയാണ് ആത്മഹത്യക്ക് പിന്നിലെന്നാണ് പ്രാഥമിക നിഗമനം. ഓടിക്കൂടിയ നാട്ടുകാര് തീയണയ്ക്കാന് ശ്രമിച്ചെങ്കിലും മരണം സംഭവിക്കുകയായിരുന്നു. ഫയര്ഫോഴ്സും പോലീസും സ്ഥലത്തെത്തി പോലീസ് ഇന്ക്വസ്റ്റ് നടപടികള് പൂര്ത്തിയാക്കിയശേഷമാണ് മൃതദേഹം പോസ്റ്റ്മോര്ട്ടത്തിനായി മാറ്റിയത്. പൂര്ണമായും കത്തിക്കരിഞ്ഞ നിലയിലായിരുന്നു മൃതദേഹം. സംഭവത്തില് പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
