തിരുവനന്തപുരം : കെ.എസ്.ആര്.ടി.സി യില് വീണ്ടും ശമ്പളവിതരണം മുടങ്ങി. ഏഴാം തീയതിയായിട്ടും ജീവനക്കാര്ക്ക് ശമ്പളം വിതരണം ചെയ്തിട്ടില്ല. എണ്പത് കോടിയോളം രൂപ അധികമായി സര്ക്കാര് അനുവദിച്ചെങ്കില് മാത്രമേ ശമ്പളം വിതരണം ചെയ്യാനാകൂ. ധനകാര്യ വകുപ്പ് ഇതുവരെ കെ.എസ്.ആര്.ടി.സി അപേക്ഷ പരിഗണിച്ചില്ലെന്നാണ് വിവരം.
കഴിഞ്ഞ മാസവും എട്ടാം തീയതിക്കുശേഷമാണ് കെ.എസ്.ആര്.ടി.സി യില് ശമ്പളം വിതരണം ചെയ്തത്. ശമ്പളം വൈകുന്നതിലും ശമ്പള പരിഷ്കരണം നടപ്പാക്കാത്തതിലും പ്രത്യക്ഷ സമരത്തിനൊരുങ്ങുകയാണ് പ്രതിപക്ഷ തൊഴിലാളി സംഘടനകള്. സര്ക്കാര് അനുവദിച്ച എണ്പത് കോടി രൂപ നിലവിലുള്ള നടപടിക്രമങ്ങള് കണക്കാക്കി വിതരണം ചെയ്യുമെന്ന് കെ.എസ്.ആര്.ടി.സി മാനേജ്മന്റ് അറിയിച്ചെങ്കിലും പാഴ്വാക്കായി. പെന്ഷന് വിതരണവും ഇതോടൊപ്പം നടത്തും എന്നും കെ.എസ്.ആര്.ടി.സി അധികൃതര് അറിയിച്ചിരുന്നു.