തിരുവനന്തപുരം: കെ.എസ്.ആര്.ടി.സിയുടെ ടിക്കറ്റിതര വരുമാനം വര്ധിപ്പിക്കാന് ലക്ഷ്യമിട്ട് ബസുകള് സ്വകാര്യ- പൊതുമേഖല – സര്ക്കാര് സ്ഥാപനങ്ങള്ക്ക് വാടകക്ക് നല്കുന്നു. ഇതിന്റെ ഭാഗമായി തിരുവനന്തപുരം വി.എസ്.എസ്.സിയിലെ ശാസ്ത്രജ്ഞര് ഉള്പ്പെടെയുള്ളവരെ ആന്ധ്രയിലെ ശ്രീഹരിക്കോട്ടയില് കൊണ്ടുപോകാന് നാല് സ്കാനിയ ബസുകള് വാടകക്ക് നല്കും. ഏഴിന് ആന്ധ്രയിലെ ശ്രീഹരിക്കോട്ടയില്നിന്ന് വിക്ഷേപിക്കുന്ന പി.എസ്.എല്.വി സി 49 എന്ന ഉപഗ്രഹ വിക്ഷേപണത്തില് പങ്കെടുക്കുന്നതിനാണിത്.
രാജ്യാന്തരനിലവാരമുള്ള സ്കാനിയ ബസുകളാണ് വി.എസ്.എസ്.സിക്ക് വാടകക്ക് നല്കുന്നത്. രാജ്യന്തരനിലവാരമുള്ള മള്ട്ടി ആക്സില് ആണ് നല്കുക. സ്ഥാപനങ്ങള്ക്ക് ആവശ്യപ്പെടുന്ന അത്രയും ബസുകള് വാടകക്ക് കൊടുക്കാന് തയാറാണെന്ന് അധികൃതര് അറിയിച്ചു. വിവാഹം ഉള്പ്പെടെ ആവശ്യക്കാര്ക്കും ഇത്തരം ബസുകള് വാടകക്ക് നല്കും.
