തിരുവനന്തപുരം : ജീവനക്കാര്ക്കെതിരായ അതിക്രമങ്ങളില് കര്ശനമായ നടപടികള് സ്വീകരിക്കുമെന്ന് വ്യക്തമാക്കി കെ.എസ്.ആര്.ടി.സി. വ്യാപകമായ പ്രതിഷേധങ്ങള് ശക്തമായതിനെ തുടര്ന്നാണ് ഇത്തരത്തില് ഒരു തീരുമാനത്തിലേക്ക് കെ.എസ്.ആര്.ടി.സി എത്തിയത്. സര്വ്വീസ് നടത്തുന്നതിനിടയില് വാഹനങ്ങള് തടഞ്ഞുനിര്ത്തുകയും തൊഴിലാളികളെ ഉപദ്രവിക്കുകയും ചെയ്യുന്നത് പതിവായിരുന്നു. സ്റ്റോപ്പുകളില് നിര്ത്താത്തതിനെ തുടര്ന്നും മറ്റും തൊഴിലാളികളുമായി യാത്രക്കാരും മറ്റുള്ളവരും പ്രശ്നങ്ങള് സ്ഥിരമാണ്. എന്നാല്, ഇവ ജീവനക്കാരുടെ ശാരീരികവും മാനസികവുമായ ആരോഗ്യത്തെ ബാധിക്കുമെന്ന കണ്ടെത്തലിനെ തുടര്ന്നാണ് കെ.എസ്.ആര്.ടി.സിയുടെ നടപടി.
അക്രമങ്ങളില് പോലീസിനെ കൊണ്ട് കേസെടുപ്പിച്ച് നിയമനടപടി സ്വീകരിക്കണമെന്ന് സി.എം.ഡി ബിജു പ്രഭാകര് ഉത്തരവിറക്കി. ഈ മാസം മാത്രം നാലു അക്രമങ്ങളാണ് ജീവനക്കാര്ക്കെതിരെ ഉണ്ടായിരിക്കുന്നത്. തിരുവനന്തപുരം ചേങ്കോട്ടുകോണത്ത് ബസ് തടഞ്ഞു നിര്ത്തി കണ്ടക്ടറുടെ മൂക്കിന്റെ പാലം ഇടിക്കട്ട കൊണ്ട് ഇടിച്ചു തകര്ത്തതടക്കം എടുത്തു പറഞ്ഞായിരുന്നു സി.എം.ഡി ബിജു പ്രഭാകര് പുതിയ ഉത്തരവിറക്കിയിരിക്കുന്നത്.