റാന്നി: പഴവങ്ങാടി ഗ്രാമ പഞ്ചായത്ത് കുടുംബശ്രീ രജത ജൂബിലി വാർഷികാഘോഷം പ്രമോദ് നാരായൺ എംഎൽഎ ഉദ്ഘാടനം ചെയ്തു. പഞ്ചായത്ത് പ്രസിഡന്റ് അനിത അനിൽകുമാർ അധ്യക്ഷത വഹിച്ചു. ജില്ലാ മിഷൻ ഡിപിഎം ഉണ്ണിക്കൃഷ്ണൻ നായർ പദ്ധതി വിശദീകരിച്ചു. കുടുംബശ്രീ സംരംഭക ലീലാമ്മ ശാന്താറാമിനെ റാന്നി ബ്ലോക്ക്പഞ്ചായത്ത് പ്രസിഡന്റ് കെ.എസ് ഗോപി അനുമോദിച്ചു.
ജില്ലാ പഞ്ചായത്ത് പ്രസിഡന്റ് ജെസി അലക്സ്, പഞ്ചായത്ത് വൈസ് പ്രസിഡന്റ് ജോൺ ഏബ്രഹാം, സ്ഥിരം സമിതി അധ്യക്ഷരായ ചാക്കോ വളയനാട്ട്, സീമ മാത്യു, ബ്ലോക്ക് പഞ്ചായത്തംഗങ്ങളായ എം.എസ്.സുജ, അന്നമ്മ തോമസ് എന്നിവർ വിവിധ രംഗങ്ങളിൽ കഴിവു തെളിയിച്ചവരെ ആദരിച്ചു. പഞ്ചായത്തംഗങ്ങളായ എം.ജി. ശ്രീകുമാർ, സൗമ്യ ജി.നായർ, ഷൈനി പി.മാത്യു, ജിജി വർഗീസ്, ബിജി വർഗീസ്, സിഡിഎസ് അധ്യക്ഷരായ നിഷ രാജീവ്, ഓമനകുമാരി, ഗീത ഷാജി, രാജി റോബി, എംഐഎസ് കോ ഓർഡിനേറ്റർ വി.സിജിമോൾ, സ്മിതാ തോമസ്, ആർ.ജിജിന , ശാരി കൃഷ്ണ, കെ.പ്രദീപ്, സാറാമ്മ ജോൺ എന്നിവർ പ്രസംഗിച്ചു.
