റാന്നി : മലയാള ഭാഷയും അക്ഷരങ്ങളും കുട്ടികളില് ഊട്ടി ഉറപ്പിക്കുന്നതിന്റെ ഭാഗമായി കേരളപ്പിറവി ദിനത്തിൽ വേറിട്ട പഠന പ്രവർത്തനത്തിന് കുന്നം ഗവ.എൽ.പി.സ്കൂളിൽ തുടക്കമായി. മണ്ണിൽ അക്ഷരങ്ങൾ എഴുതി പഠിക്കുന്ന മണ്ണെഴുത്ത്, നാനാത്വത്തിൽ ഏകത്വവുമായി വേഷത്തിലെ വൈവിധ്യതയും കുട്ടികൾ അവതരിപ്പിച്ചു. മലയാളികളുടെ ഭക്ഷണത്തിലെ വൈവിധ്യം വെളിവാക്കുന്ന ഫുഡ് ഫെസ്റ്റിന്റെ ഭാഗമായി മലയാളികള് നിത്യജീവിതത്തില് കഴിക്കുന്ന വിവിധ തരം ഭക്ഷണം സ്കൂളിലെത്തിച്ച് പ്രദർശനം നടത്തി. വെച്ചൂച്ചിറ ഗ്രാമ പഞ്ചായത്തംഗം രാജി വിജയകുമാർ ഉദ്ഘാടനം ചെയ്തു. പ്രധാനാധ്യാപകൻ സി.പി സുനിൽ, അധ്യാപകരായ കെ.കെ ബിനു, പി.ജി സോമൻ, ചിപ്പിമോൾ, അപർണ, ബീന, ചിഞ്ചു എന്നിവര് പ്രസംഗിച്ചു.
