തൃശൂര് : കുതിരാന് ദേശീയപാതയില് ചരക്കു ലോറി മറിഞ്ഞുണ്ടായ അപകടത്തില് തമിഴ്നാട് സ്വദേശിയായ ഒരാള് മരിച്ചു. രാത്രി പത്തരയോടെയായിരുന്നു അപകടം. തൃശൂര് ഭാഗത്തേക്കു പോവുകയായിരുന്ന ചരക്കുലോറി റോഡരികില് സ്ഥാപിച്ചിരുന്ന അയേണ് ക്രാഷ് ഗാര്ഡുകള് തകര്ത്തു 40 അടിയോളം താഴ്ചയിലേക്ക് മറിയുകയായിരുന്നു.
ലോറിയിലുണ്ടായിരുന്ന രണ്ട് പേരില് ഒരാളെ വേഗം പുറത്തെടുത്തു തൃശൂരിലെ സ്വകാര്യ ആശുപത്രിയില് എത്തിച്ചു. രണ്ടാമത്തെയാള് ലോറിക്കുള്ളില് ഏറെ നേരം കുടുങ്ങിക്കിടന്നു. തൃശൂരില് നിന്നെത്തിയ അഗ്നി സുരക്ഷാസേനയും പോലീസും ചേര്ന്നാണ് ഇയാളെ പുറത്തെടുത്തത്.
