മലപ്പുറം : പ്രായപൂര്ത്തിയാകാത്ത പെണ്കുട്ടികളെ പീഡിപ്പിച്ച കേസില് മുന് അധ്യാപകന് കെ.വി ശശികുമാര് വീണ്ടും അറസ്റ്റില്. അധ്യാപകനായിരിക്കെ പീഡിപ്പിച്ചെന്ന് കാണിച്ച് മലപ്പുറം സ്വദേശിനിയായ പൂര്വ വിദ്യാര്ഥിനി നല്കിയ പരാതിയിലാണ് സിപിഎം മുന് നഗരസഭാംഗവും മുന് അധ്യാപകനുമായ കെ.വി ശശികുമാറിനെ അറസ്റ്റ് ചെയ്തത്. ശനിയാഴ്ചയായിരുന്നു അറസ്റ്റ്. നേരത്തെ രണ്ടു പോക്സോ കേസില് ജാമ്യം ലഭിച്ചു പുറത്ത് ഇറങ്ങിയതിനു പിന്നാലെയാണ് അറസ്റ്റ്.
പൂര്വ വിദ്യാര്ത്ഥിനി നല്കിയ പരാതിയില് ശശികുമാറിനെ റിമാന്ഡ് ചെയ്തു. വര്ഷങ്ങളായി വിദ്യാര്ത്ഥിനികളെ പീഡിപ്പിച്ചുവെന്ന പരാതിയില് കെ.വി ശശികുമാറിനെ മേയ് 13 ന് മലപ്പുറം പോലീസ് അറസ്റ്റ് ചെയ്തിരുന്നു. ശശികുമാറിനെതിരെ അന്പതിലേറെ പീഡന പരാതികളാണ് നല്കിയിട്ടുള്ളത്.