തിരുവനന്തപുരം : പുതുതായി രൂപംകൊണ്ട സി.പി.എം – ബി.ജെ.പി രഹസ്യബന്ധത്തിന്റെ മധ്യസ്ഥനാണ് പ്രഫ.കെ.വി തോമസെന്നു ചെറിയാന് ഫിലിപ്. കെ.വി തോമസിന്റെ നിലപാട് വാര്ധക്യത്തിന്റെ വിഭ്രാന്തിയാണെന്നും അദ്ദേഹം പരിഹസിച്ചു. നരേന്ദ്ര മോദി മികച്ച പ്രധാനമന്ത്രിയും പിണറായി വിജയന് മികച്ച മുഖ്യമന്ത്രിയുമെന്നു പരസ്യമായി പറഞ്ഞിട്ടുള്ള ഏക രാഷ്ട്രീയ നേതാവാണ് തോമസ്. ന്യൂഡല്ഹിയില് അമിത്ഷാ യുടെയും സീതാറാം യെച്ചൂരിയുടെയും വീട്ടിലെ നിത്യസന്ദര്ശകനാണ്. ബി.ജെ.പി, സി.പി.എം നേതാക്കളില് പലരും കൊച്ചിയിലെത്തുമ്പോള് തോമസിന്റെ വീട്ടിലെ ആതിഥ്യം സ്വീകരിക്കുന്നു.
ന്യൂനപക്ഷ വോട്ട് കിട്ടാന് പരസ്യമായി ബി.ജെ.പി വിരുദ്ധത അഭിനയിക്കുന്ന സി.പി.എം, രഹസ്യമായി ബി.ജെ.പി ബന്ധം സ്ഥാപിച്ചിരിക്കുന്നതു തോമസ് മുഖേനയാണ്. കെ – റെയില് ചെയര്മാന്സ്ഥാനം മന്ത്രിപദവിയോടെ നല്കാമെന്നാണ് തോമസിനു നല്കിയിരിക്കുന്ന വാഗ്ദാനം. എന്നാല്, തോമസിനെക്കൊണ്ട് ഉദ്ദേശിച്ച പ്രയോജനം ലഭിക്കുന്നില്ലെങ്കില് താമസിയാതെ കൊച്ചിക്കായലില് വലിച്ചെറിയുമെന്നും ചെറിയാന് ഫിലിപ് പറഞ്ഞു.
