വിജയവാഡ: പ്രസവിക്കേണ്ടിവരുമെന്ന ഭീതിയില് ഗര്ഭിണിയായ യുവതി ജീവനൊടുക്കി. ടോക്കോഫോബിയ അഥവാ പ്രസവത്തോടുള്ള ഭയം എന്ന അവസ്ഥ നേരിട്ട 24 കാരിയാണ് കിണറ്റില് ചാടി ആത്മഹത്യ ചെയ്തത്. വിജയവാഡയിലെ മുസുനുരു എന്ന സ്ഥലത്താണ് സംഭവം.
അഞ്ചാം മാസം മുതല് പ്രസവിക്കേണ്ടി വരുമെന്ന ഭീതിയിലായിരുന്നു യുവതിയെന്ന് വീട്ടുകാര് പറഞ്ഞു. യുവതിയുടെ മാനസിക നില മനസ്സിലാക്കിയ ശേഷം കുടുംബാംഗങ്ങള് വിജയവാഡയിലെയും ഏലൂരുവിലെയും ആശുപത്രികളില് ചികിത്സ നല്കുകയും ചെയ്തു. എന്നിട്ടും ഭയത്തില് നിന്നും മോചിതയാവാന് യുവതിയെക്കൊണ്ട് സാധിച്ചില്ല. കഴിഞ്ഞ ഫെബ്രുവരി മാസത്തിലായിരുന്നു ഇവരുടെ വിവാഹം നടന്നത്.
ഇത്തരം അവസ്ഥ നേരിടുന്ന സ്ത്രീകള്ക്ക് കൗണ്സിലിങ് നല്കി ഈ മാനസികാവസ്ഥയില് നിന്നും അവരെ പിന്മാറാന് സഹായിക്കുന്നതാണ് ഇതിന് തക്കതായ പ്രധാന പോംവഴി.
