എടത്വ : മകള് ഓടിച്ചിരുന്ന സ്കൂട്ടര് നിയന്ത്രണം തെറ്റി സൈന് ബോര്ഡില് ഇടിച്ചതിനെ തുടര്ന്ന് പരിക്കേറ്റ് ചികിത്സയില് കഴിഞ്ഞിരുന്ന വീട്ടമ്മ മരിച്ചു. തലവടി പുതുപ്പറമ്പ് ശിവസദനത്തില് ശിവപ്രസാദിന്റെ ഭാര്യ അമ്പിളിയാണ് (43) മരിച്ചത്. ഞായറാഴ്ച ഉച്ചയ്ക്ക് പുതുപ്പറമ്പ് ഷാപ്പ് പടി ജംഗ്ഷന് സമീപത്ത് വെച്ചാണ് അപകടം.
തലയ്ക്ക് പരിക്കേറ്റ അമ്പിളിയെ തിരുവല്ല പുഷ്പഗിരി മെഡിക്കല് കോളേജ് ആശുപത്രിയില് എത്തിച്ചെങ്കിലും പരിക്ക് ഗുരുതരമായതിനാല് എറണാകുളം അമൃത ആശുപത്രിയിലേക്ക് മാറ്റിയിരുന്നു. വെന്റിലേറ്ററിന്റെ സഹായത്തിലാണ് ജീവന് നിലനിര്ത്തിയിരുന്നത്. പുതുപ്പറമ്പില് നിന്ന് പൊടിയാടിയിലേക്ക് പോകും വഴിക്കാണ് അപകടം. മക്കള്: അഖില ( പയസ് ടെന്ത് ഐറ്റിഐ എടത്വ), അനന്തു (എടത്വ സെന്റ് അലോഷ്യസ് ആറാം ക്ലാസ് വിദ്യാര്ത്ഥി)
