പത്തനാപുരം : വീട്ടു വഴക്കിനെത്തുടര്ന്ന് ഭര്ത്താവിനെ കഴുത്തില് ഷാള് മുറുക്കി ഭാര്യ കൊലപ്പെടുത്തി. പട്ടാഴി വടക്കേക്കരയില് കടുവാത്തോട് സൈദാലി മന്സിലില് ഷാജഹാന് (43) ആണ് കൊല്ലപ്പെട്ടത്. ഭാര്യ നിസ (37)യെ പത്തനാപുരം പോലീസ് അറസ്റ്റ് ചെയ്തു. മദ്യപിച്ച് വീട്ടില് എത്തുന്ന ഷാജഹാന് എന്നും വഴക്കുണ്ടാക്കുകയും ഭാര്യ നിസയെ മര്ദ്ധിക്കുമായിരുന്നു. പുലര്ച്ചെ ഇരുവരും തമ്മിലുണ്ടായ വഴക്കിനൊടുവില് നിസ ഷാജഹാന്റെ കഴുത്തില് ഷാള് മുറുക്കുകയും ഇതിനെതുടര്ന്ന് ഷാജഹാന് അബോധാവസ്ഥയില് ആവുകയുമായിരുന്നു. ബന്ധുക്കള് ഉടന് അടൂര് താലൂക്ക് ആശുപത്രിയില് എത്തിച്ചെങ്കിലും മരിച്ചു.
