റാന്നി : ആങ്ങമൂഴിയിൽ ആട്ടിന് കൂടിന്റെ സമീപത്തു നിന്നു അവശനിലയിൽ കണ്ട പുലിയെ പിടികൂടി. ബുധനാഴ്ച രാവിലെ ഒൻപതെകാലോടെ തിരുവല്ലിംഗത്തിൽ സുരേഷിന്റെ ആട്ടിൻ കൂടിന്റെ താഴെയാണ് പുലിയെ കണ്ടത്. പുലിയകണ്ടതിനെ തുടർന്ന് ഫോറസ്റ്റ് അധികൃതരെ വിവരം അറിയിച്ചു. പ്ലാപ്പള്ളി, കൊച്ചു കോയിക്കൽ, ഗുരുനാഥൻ മണ്ണ്, പ്ലാപ്പള്ളി സ്റ്റേഷൻ, എന്നിവിടങ്ങളിൽ നിന്നും റാന്നി റാപിഡ് ആക്ഷൻ ഫോഴ്സും പോലീസ് സംഘവുമെത്തി പുലിയെ മറ്റൊരു കൂട്ടിലാക്കി. പുലിയെ കൊച്ചു കോയിക്കൽ ഫോറസ്റ്റ് സ്റ്റേഷനിലെത്തിച്ചു. പുലിയുടെ വലത്തെ മുൻകാലിനു പരിക്കേറ്റിട്ടുണ്ട്. ഓടി പോകാൻ കഴിയാത്ത അവസ്ഥയിലായിരുന്നു .ഏകദേശം എട്ട് മാസം പ്രായം വരുമെന്ന് ഫോറസ്റ്റ് അധികൃതർ അറിയിച്ചു. ചികിതസയ്ക്കായി കൊല്ലത്തേയ്ക്ക് കൊണ്ടുപോയി
