തിരുവനന്തപുരം : ലൈഫ് പാര്പ്പിട പദ്ധതി അപേക്ഷ പരിശോധന എങ്ങനെ തീര്ക്കണമെന്നറിയാതെ തദ്ദേശ വകുപ്പ്. അപേക്ഷാ പരിശോധനകള്ക്ക് നീട്ടി നല്കിയ സമയം കഴിഞ്ഞിട്ടും ഇതുവരെ പൂര്ത്തിയായത് 42 ശതമാനം അപേക്ഷകളുടെ പരിശോധനമാത്രം. ആവശ്യത്തിനു ഉദ്യോഗസ്ഥരില്ലാത്തത് പരിശോധനയക്ക് പ്രധാന പ്രശ്നം. ഉദ്യോഗസ്ഥ ക്ഷാമം തീര്ക്കാന് ചീഫ് സെക്രട്ടറിതല ചര്ച്ച നാളെ ചേരും.
ലൈഫ് പാര്പ്പിട പദ്ധതിയില് ലഭിച്ച അപേക്ഷകളില് നവംബര് 31 നു പരിശോധന പൂര്ത്തിയാക്കി ഡിസംബര് 1 നു കരട് പട്ടിക പ്രസിദ്ധീകരിക്കാനായിരുന്നു ആദ്യ തീരുമാനം. പരിശോധന പകുതി പോലും പൂര്ത്തിയാക്കാന് സാധിക്കാത്തതോടെ ഈ മാസം 20 വരെ പരിശോധനാ സമയം നീട്ടി. എന്നാല് പുതുക്കിയ സമയം കഴിഞ്ഞ് ആറു ദിവസം പിന്നിട്ടിട്ടും 42 ശതമാനം പരിശോധന മാത്രമാണ് പൂര്ത്തിയായത്.
ഇനിയും വൈകിയാല് അടുത്ത ഏപ്രിലില് പദ്ധതി തുടങ്ങാന് കഴിയില്ല. പഞ്ചവല്സര പദ്ധതിയ്ക്കൊപ്പം വാര്ഷിക പദ്ധതികളും തുടങ്ങേണ്ടതുണ്ട്. കൃഷി അസിസ്റ്റന്റുമാരുള്പ്പെടെ അഞ്ച് ഉദ്യോഗസ്ഥരാണ് അപേക്ഷകള് പരിശോധിക്കാന് ചുമതലപ്പെടുത്തിയത്. എന്നാല് കൃഷി ഉദ്യോഗസ്ഥന്മാര് ഏക പക്ഷീയമായി പിന്വാങ്ങിയതോടെ പരിശോധന താളം തെറ്റി.
