വടകര: യുവതിയും കൈക്കുഞ്ഞടക്കം രണ്ടുകുട്ടികളും റെയില്വേ സ്റ്റേഷനിലെ ലിഫ്റ്റില് കുടുങ്ങി. ശനി പകല് മൂന്നോടെയാണ് ലോകനാര്കാവ് സ്വദേശിനിയായ യുവതിയും കുട്ടികളും ലിഫ്റ്റില് കുടുങ്ങിയത്. രണ്ടാം പ്ലാറ്റ്ഫോമില് ട്രെയിന് ഇറങ്ങിയ ഇവര് ഒന്നാം പ്ലാറ്റ്ഫോമിലേക്ക് ലിഫ്റ്റില് കയറിയതായിരുന്നു. ഇതിനിടെ ലിഫ്റ്റിന്റെ പ്രവര്ത്തനം നിലച്ചു. തുറക്കാതായതോടെ യുവതി പരിഭ്രാന്തിയിലായി. സൈറണ് ഉയര്ന്നതോടെ റെയില്വേ ജീവനക്കാരെത്തി ഇവരെ പുറത്തെത്തിക്കാനുള്ള ശ്രമം നടത്തിയെങ്കിലും പരാജയപ്പെട്ടു. തുടര്ന്ന് സ്ഥലത്തെത്തിയ അഗ്നിരക്ഷാസേന പൂട്ട് എമര്ജന്സി താക്കോലുപയോഗിച്ച് തുറന്ന് ഇവരെ പുറത്തെത്തിച്ചു.
