തൃപ്പൂണിത്തുറ : ഇടിമിന്നലിനെത്തുടര്ന്ന് ബേക്കറിക്ക് തീപിടിച്ചു. പാവംകുളങ്ങരയില് പ്രവര്ത്തിക്കുന്ന രാജേഷ് ബേക്കറിയിലാണ് വന് തീപിടിത്തമുണ്ടായത്. ശനിയാഴ്ച രാത്രി 11.30 ഓടെയാണ് അഗ്നിബാധയുണ്ടായത്. കട പൂര്ണമായും കത്തി നശിച്ചു. സംഭവമറിഞ്ഞ് സ്ഥലത്തെത്തിയ കട ഉടമയായ രാജേഷ് തൃപ്പൂണിത്തുറ ഫയര് ഫോഴ്സിനെ വിവരമറിച്ചതിനെതുടര്ന്ന് സ്ഥലത്തെത്തി തീ അണക്കുകയായിരുന്നു. ഇടിമിന്നലിനെ തുടര്ന്നുണ്ടായ ഷോര്ട്ട് സര്ക്യൂട്ടാണ് തീപിടിത്തത്തിനു കാരണമെന്ന് കരുതുന്നു. കൃത്യമായ ഇടപെടലുണ്ടായതിനാല് സമീപപ്രദേശങ്ങളിലേക്ക് തീ പടരാതിരിക്കാന് സാധിച്ചു. കടയുടെ ഉള്ഭാഗം പൂര്ണമായും കത്തിനശിച്ചു.10 ലക്ഷത്തിലധികം രൂപയുടെ നഷ്ടമുണ്ടായതായി ഉടമ പറഞ്ഞു.
