കൊച്ചി : ‘ബന്ധങ്ങള്’ ഉപേക്ഷിച്ചവരുമായി സന്തോഷം പങ്കിട്ട്… ഓള്ഡ് എയ്ജ് ഹോമിലെ അന്തേവാസികളുമായി വിജയം ആഘോഷിച്ച് ഉമാതോമസ്. കണ്ണൂര് ധര്മടത്തുനിന്ന് എത്തിയ പ്രിയദര്ശിനി കലാസാംസ്കാരിക വേദിയുടെ നേതൃത്വത്തില് തേവരയിലെ ഓള്ഡ് ഏയ്ജ് ഹോമിലെ അന്തേവാസികള്ക്കായി ഒരുക്കിയ സ്നേഹ സദ്യയില് പങ്കെടുത്താണ് ഉമാ തോമസ് സന്തോഷം പങ്കിട്ടത്. നിയുക്ത എംഎല്എയെ പൂക്കള് നല്കിയാണ് അന്തേവാസികള് സ്വീകരിച്ചത്. അനാഥമന്ദിരത്തിലെ മുഴുവന് അന്തേവാസികളുമായി ഉമ തോമസ് ഏറെനേരം ചെലവഴിച്ചു. അവര്ക്ക് ഭക്ഷണം വിളമ്പിയും ഒപ്പമിരുന്ന് ഭക്ഷണം കഴിച്ചുമാണ് ഉമ മടങ്ങിയത്.
