ആലപ്പുഴ : ബിജെപി നേതാവ് അഡ്വ.രണ്ജിത്ത് വധത്തിലെ സൂത്രധാരകരില് ഒരാളായ പഞ്ചായത്ത് മെമ്പര് സുല്ഫിക്കറിനെതിരെ പോലീസ് ലുക്കൗട്ട് നോട്ടീസ് ഇറക്കി. ഒളിവില് കഴിയുന്ന രണ്ടാം പ്രതി പുന്നപ്ര സൗത്ത് പഞ്ചായത്ത് 12 വാര്ഡ് മെമ്പര് ചുപ്പി എന്ന് വിളിക്കുന്ന സുല്ഫിക്കെതിരെയാണ് നോട്ടീസ്. എസ്ഡിപിഐ അംഗമാണ് സുള്ഫിക്കര്.
നോട്ടീസിന്റെ പൂര്ണ്ണരൂപം
കേസുമായി ബന്ധപ്പെട്ട് പുന്നപ്ര കളിതട്ടിന് പടിഞ്ഞാറ് വശം മൊബൈല് ഷോപ്പ് നടത്തുന്ന മുഹമ്മദ് ബാദുഷ സിം എടുക്കുന്നതിനായി മൊബൈല് ഷോപ്പില് എത്തിയ സ്ത്രീയുടെ ഫോട്ടോയും ആധാര് കാര്ഡും ഉപയോഗിച്ച് 2 സിം എടുത്തതിനു ശേഷം ഒരു സിം മാത്രമേ എടുത്തു എന്ന് തെറ്റിദ്ധരിപ്പിച്ച് ഒരു സിം കൈക്കലാക്കി രാഷ്ട്രീയ കൊലപാതക കേസില് സഹായിക്കുന്നതിനായി പുന്നപ്ര സൗത്ത് പഞ്ചായത്ത് 12-ാം വാര്ഡ് മെമ്പര് ആയ സുല്ഫിക്കര് ന് കൈമാറി. ആയതു കൊലപാതകത്തിന് പങ്കെടുത്തവര്ക്ക് കൈമാറി ഉപയോഗിച്ചതിന് പുന്നപ്ര പോലീസ് ഇരുവര്ക്കും എതിരേ കേസ് രജിസ്റ്റര് ചെയ്തു. ഒന്നാം പ്രതിയായ ബാദുഷ റിമാന്ഡില് ആയിരുന്നെങ്കിലും രണ്ടാം പ്രതിയായ പുന്നപ്ര സൗത്ത് പഞ്ചായത്ത് 12-ാം വാര്ഡ് മെമ്പര് ചുപ്പി എന്ന് വിളിക്കുന്ന സുല്ഫിക്കര് ഒളിവില് കഴിഞ്ഞു വരുകയാണ്. സുല്ഫിക്കര് നെയോ ഒളിവില് കഴിയാന് സഹായിക്കുന്നവരെ കുറിച്ചോ എന്തെങ്കിലും വിവരം ലഭിക്കുകയാണെങ്കില് പുന്നപ്ര സ്റ്റേഷന് ISHO ആയ പ്രതാപചന്ദ്രന് കെ.ജി യെയോ പുന്നപ്ര സ്റ്റേഷന് നമ്പറില് ബന്ധപ്പെടുക. പ്രതാപചന്ദ്രന് കെ.ജി -9497980293, എസ്ഐ ബിജു എസ്.വി -9497980289, 0477 – 2287669
