പൊയിനാച്ചി: നൂറടിയോളം താഴ്ചയിലേക്ക് മറിഞ്ഞ ചരക്കുലോറിക്കടിയില്പ്പെട്ട് ക്ലീനര് യുവാവിന് ദാരുണാന്ത്യം. അതേസമയം ലോറിയുടെ ഡ്രൈവര് പരിക്കേല്ക്കാതെ അത്ഭുതകരമായി രക്ഷപ്പെട്ടു. കരിച്ചേരി വളവില് വെള്ളിയാഴ്ച ഏഴരയോടെയാണ് അപകടം. ആന്ധ്ര ഗൂഡല്ലൂര് ചിന്താപ്പള്ളി സ്വദേശി വിജയ്കുമാര് എന്നയാളാണ് (30)മരിച്ചത്.
കുറ്റിക്കോലില്നിന്ന് കശുവണ്ടി കയറ്റി പൊയിനാച്ചി ദേശീയപാതയിലേക്ക് വരികയായിരുന്ന സമയത്താണ് ലോറി അപകടത്തില്പ്പെട്ടത്. കരിച്ചേരിയിലെ യു ടേണ് വളവ് തിരിയാതെ ലോറി നേരെ പോയി നൂറടി താഴ്ചയിലേക്ക് പതിക്കുകയായിരുന്നു. വളവ് കഴിഞ്ഞ് താഴെയുള്ള റോഡിലേക്കാണ് ലോറി വീണത്. ഡ്രൈവര് രാമകൃഷ്ണ ഉടന്തന്നെ ചാടി രക്ഷപ്പെട്ടു.
എന്നാല് ലോറിയുടെ കാബിനില് ഉറങ്ങുകയായിരുന്ന ബാബു ലോറിക്കടിയില്പ്പെടുകയായിരുന്നു. ലോറി വീഴുന്ന വന് ശബ്ദംകേട്ട് നാട്ടുകാര് ഓടിയെത്തിയെങ്കിലും ഇരുട്ടില് രക്ഷാപ്രവര്ത്തനം നടത്താന് കഴിഞ്ഞില്ല. നാട്ടുകാര് വിവരമറിയിച്ചതിനെത്തുടര്ന്ന് പോലീസും അഗ്നിരക്ഷാസേന യൂണിറ്റുകളും സ്ഥലത്തെത്തി രക്ഷാപ്രവര്ത്തനം നടത്തിയെങ്കിലും യുവാവിനെ രക്ഷിക്കാനായില്ല.
The post നൂറടിയോളം താഴ്ചയിലേക്ക് മറിഞ്ഞ ചരക്കുലോറിക്കടിയില്പ്പെട്ട് യുവാവിന് ദാരുണാന്ത്യം appeared first on Pathanamthitta Media.
