പാലക്കാട് : പാലക്കാട് മണ്ണുത്തി ദേശീയപാതയില് നിര്ത്തിയിട്ടിരുന്ന ലോറിക്ക് തീപിടിച്ചു. ആലത്തൂര് സ്വാതി ജംഗ്ഷനില് ഇന്ന് വൈകിട്ട് 6.10നാണ് അപകടം ഉണ്ടായത്. പെരുമ്ബാവൂരില് നിന്ന് പ്ലൈവുഡ് കയറ്റിപ്പോവുകയായിരുന്ന ലോറിയാണ് തീപിടിച്ചത്. ഡീസല് ടാങ്ക് പൊട്ടിയാണ് തീപിടിച്ചതെന്നാണ് പ്രാഥമിക നിഗമനം.
സിഗ്നല് ജംഗ്ഷനില് നിര്ത്തിയിട്ടിരുന്നതിനാല് വന്ദുരന്തം തലനാരിഴക്ക് ഒഴിവായി. തീപിടിത്തത്തില് ലോറി കത്തിയമര്ന്നു. ഡ്രൈവര് ധര്മ്മപുരി സ്വദേശി ജയകുമാര് പരിക്കേല്ക്കാതെ രക്ഷപ്പെട്ടു. സിഗ്നലില് നിര്ത്തിയിട്ടശേഷം വണ്ടി എടുക്കുമ്ബോഴായിരുന്നു തീ പിടുത്തം. മറ്റു വാഹനങ്ങള് സ്ഥലത്തു നിന്നു നീക്കി. ആലത്തൂരില് നിന്ന് ഫയര്ഫോഴ്സ് എത്തി തീയണച്ചു.
