തിരുവനന്തപുരം: ഉദ്യോഗാര്ത്ഥികള്ക്ക് നീതി ഉറപ്പാക്കുക, ഗുണമേന്മയുള്ള വിദ്യാഭ്യാസവും തൊഴിലവസരങ്ങളും സംരക്ഷിക്കുക തുടങ്ങിയ ആവശ്യങ്ങളുന്നയിച്ചുകൊണ്ട് സെക്രട്ടറിയേറ്റിന് മുന്നില് സമരം ശക്തമാക്കാനൊരുങ്ങി എല്പിഎസ്ടി റാങ്ക് ഹോള്ഡര്മാര്. ഇന്ന് പതിനൊന്ന് മണിക്ക് സെക്രട്ടറിയേറ്റ് വളഞ്ഞ് സമരം നടത്താനാണ് നീക്കം. മനുഷ്യ ചങ്ങല തീര്ത്ത് സര്ക്കാര് നയങ്ങള്ക്കെതിരെ പ്രതിഷേധിക്കും.എല്പിഎസ്ടി റാങ്ക് ഹോള്ഡേഴ്സിനൊപ്പം പിഎസ്സി ഉദ്യോഗാര്ഥികളും വിവിധ യുവജന സംഘടനകളും പ്രതിഷേധത്തിന്റെ ഭാഗമായേക്കും.
കഴിഞ്ഞ 29 ദിവസമായി എല്പിഎസ്ടി റാങ്ക് ഹോള്ഡര്മാര് സെക്രട്ടറിയേറ്റിന് മുന്നിൽ അനിശ്ചിതകാല സമരം തുടരുകയാണ്. അഞ്ച് ദിവസമായി നിരാഹാര സമരവും നടത്തിവരുന്നുണ്ട്. ഇന്നലെ നിരാഹാരമിരിക്കുന്ന ഉദ്യോഗാര്ത്ഥിയെ പോലീസ് സമരപ്പന്തലില് നിന്ന് മാറ്റാന് ശ്രമിച്ചിരുന്നു. മറ്റു ഉദ്യോഗാര്ത്ഥികള് തടഞ്ഞതോടെയാണ് നീക്കം അവസാനിപ്പിച്ചത്. ഇന്നത്തെ സെക്രട്ടറിയേറ്റ് വളയല് പൊളിക്കാനാണ് പോലീസ് നീക്കം എന്നാണ് ഉദ്യോഗാര്ത്ഥികള് പറയുന്നത്.
