റാന്നി : റാന്നിയില് പേപ്പട്ടി ആക്രമണം നാലു വഴി യാത്രക്കാര്ക്ക് പരിക്കേറ്റു. ഇന്നു വൈകീട്ട് ഏഴരയോടാണ് സംഭവം. മാമ്മുക്ക് ജംങ്ഷനില് ഒരാളെയും ബൈപ്പാസ് ജംങ്ഷനില് മൂന്നു പേരെയുമാണ് പട്ടി കടിച്ചത്. പട്ടിയുടെ കടിയേറ്റവരില് രണ്ടു പേര് റാന്നി താലൂക്ക് ആശുപത്രിയില് ചികിത്സ തേടി. രണ്ടു പേര് മറ്റാശുപത്രിയിലേയ്ക്ക് പോയി. വാഹനത്തിന് പിന്നാലെ എത്തിയാണ് രണ്ടു പേരെ പട്ടി കടിച്ചത്. എല്ബിന്, ബിജി എന്നിവരാണ് റാന്നി താലൂക്ക് ആശുപത്രിയിലെത്തിയത്. സംഭവത്തെ തുടര്ന്ന് പൊതുജനം ജാഗ്രത പാലിക്കണമെന്ന് റാന്നി പോലീസ് ഉച്ചഭാക്ഷിണിയിലൂടെ അറിയിപ്പ് നല്കുന്നുണ്ട്.
