ചെന്നൈ: അണ്ണാ ഡിഎംകെ അധികാര തര്ക്കത്തില് ഒപിഎസിന്റെ ഹര്ജി മദ്രാസ് ഹൈക്കോടതി തള്ളി. ജസ്റ്റിസ് കുമരേഷ് ബാബുവാണ് കേസ് പരിഗണിച്ചത്. ജൂലൈ 11 ന് നടത്തിയ ജനറല് കൗണ്വിധിയ്ക്കെതിരെ ഒപിഎസ് ഡിവിഷന് ബഞ്ചിനെ സമീപിച്ചിരിക്കുകയാണ്. കേസ് നാളെ പരിഗണിക്കുമെന്ന് ഹൈക്കോടതി അറിയിച്ചു. ഇതോടെ അണ്ണാ ഡിഎംകെ ജനറല് സെക്രട്ടറിയായി എടപ്പാടി പളനിസ്വാമിയെ പ്രഖ്യാപിച്ചു. തെരഞ്ഞെടുപ്പുമായി ബന്ധപ്പെട്ട ഒപിഎസ് പക്ഷം നല്കിയ ഹര്ജി ഹൈക്കോടതി തള്ളിയതോടെയാണ് ഇത്.
പാര്ട്ടിയുടെ ഇടക്കാല ജനറല് സെക്രട്ടറിയായി ഇ പളനിസ്വാമിയെ തെരഞ്ഞെടുത്തത് സുപ്രീം കോടതി നേരത്തെ ശരിവെച്ചിരുന്നു. കോടതി വിധിയെ സ്വാഗതം ചെയ്ത് എഐഎഡിഎംകെ ആസ്ഥാനത്ത് പളനിസ്വാമി അനുയായികള് പടക്കം പൊട്ടിച്ചും മധുരം വിതരണം ചെയ്തും ആഘോഷിച്ചു. പളനിസ്വാമി പാര്ട്ടി ആസ്ഥാനത്തെത്തി അന്തരിച്ച എഐഎഡിഎംകെ നേതാക്കളായ എം ജി രാമചന്ദ്രന്റെയും ജെ ജയലളിതയുടെയും പ്രതിമകളില് പുഷ്പാര്ച്ചന നടത്തി.
