പത്തനംതിട്ട : സ്ത്രികൾക്ക് നേരെയുള്ള ആക്രമണങ്ങളിൽ സി പി എം നേതാക്കൾ പ്രതികളായി വരുമ്പോൾ സംസ്ഥാന വനിത കമ്മീഷൻ അധ്യക്ഷയുടെ പ്രസ്താവനകളും നിലപാടുകളും സ്ത്രീ സമൂഹത്തിന് മൊത്തത്തില് അപമാനകരമാണെന്ന് മഹിള കോൺഗ്രസ്സ് സംസ്ഥാന ജനറൽ സെക്രട്ടറി ലാലി ജോൺ ആരോപിച്ചു.
സി പി എം എന്ന രാഷ്ടീയ സംഘടനയുടെ നിയമം നടപ്പാക്കാനുള്ള പോലീസും നീതി വിധിക്കാനുള്ള കോടതിയായും ചിത്രീകരിച്ചത് പ്രതിഷേധാർഹമാണ്. രാജ്യത്തെ കോടതികൾ വിധിക്കുന്ന ശിക്ഷയെക്കാൾ വലുതാണ് സി പി എം ശിക്ഷകൾ എന്നു പറയുന്നത് ജനാധിപത്യ സംവിധാനങ്ങളോടുള്ള വെല്ലുവിളിയും അവഹേളനവുമാണെന്ന് ലാലി ജോൺ ചൂണ്ടിക്കാട്ടി.
