പത്തനംതിട്ട : മല്ലപ്പുഴശേരി ഗ്രാമപഞ്ചായത്തില് മൂന്നാംഘട്ട ലൈഫ് ഭവന പദ്ധതിയില് പൂര്ത്തീകരിച്ച ഏഴ് വീടുകളുടെ താക്കോല്ദാനം ഗ്രാമപഞ്ചായത്ത് പ്രസിഡന്റ് എസ്. ഉഷാ കുമാരി നിര്വഹിച്ചു. സംസ്ഥാന സര്ക്കാരിന്റെ നൂറു ദിന കര്മ പരിപാടിയുടെ ഭാഗമായാണ് താക്കോൽ ദാനം പൂർത്തീകരിച്ചത്. ഗ്രാമപഞ്ചായത്ത് വികസനകാര്യ സ്റ്റാന്റിംഗ് കമ്മിറ്റി ചെയര്പേഴ്സണ് ശ്രീരേഖ ആര്. നായര് അധ്യക്ഷത വഹിച്ചു.
ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയര്പേഴ്സണ് മേഴ്സി ശാമുവേല്, ബ്ലോക്ക് പഞ്ചായത്ത് അംഗം ജിജി ചെറിയാന് മാത്യു, പഞ്ചായത്ത് അംഗങ്ങളായ എസ്. ശ്രീലേഖ, റോസമ്മ മത്തായി, സജീവ് കെ. ഭാസ്കര്, മിനി ജിജു ജോസഫ്, അമല് സത്യന്, സിജു കെ. ജോണ്, ടി.വി. പുരുഷോത്തമന് നായര്, സി.ആര്. സതി ദേവി, സെക്രട്ടറി പി.കെ. മുഹമ്മദ് ഷാഫി തുടങ്ങിയവര് പങ്കെടുത്തു.
