വാട്സാപ്പിന്റെ ഏറ്റവും പുതിയ ഫീച്ചറായ വാട്സാപ്പ് ചാനല് ആരംഭിച്ച് താരങ്ങളായ മോഹന്ലാലും മമ്മൂട്ടിയും. മെറ്റ അവതരിപ്പിച്ച ഈ പുതിയ ഫീച്ചറിലൂടെ ഇഷ്ട താരങ്ങള് പങ്കുവെക്കുന്ന സന്ദേശങ്ങള്, അറിയിപ്പുകള് എന്നിവ ഫോളോ ചെയ്യുന്ന ആളിന്റെ വാട്സാപ്പില് നേരിട്ട് ലഭിക്കും. ഉപയോക്താക്കളുടെ ചാറ്റില് നിന്ന് വേറിട്ട് നില്ക്കുന്ന അപ്ഡേറ്റ് എന്ന ടാബില് നിന്നാകും ചാനലുകള് വഴിയുള്ള സന്ദേശങ്ങള് ഉപയോക്താവിന് ലഭിക്കുക.
ടെലിഗ്രാം ചാറ്റ് ബോട്ടുകള്ക്ക് സമാനമായ ഒരു വണ്വേ ബ്രോഡ്കാസ്റ്റ് ടൂള് ആയാണ് വാട്സാപ്പ് ചാനലിലെ മെറ്റ അവതരിപ്പിച്ചിരിക്കുന്നത്. അടുത്ത ഏതാനും ആഴ്ചകള്ക്കുള്ളില് ആഗോളതലത്തില് പുതിയ ചാനലുകള് പുറത്തിറങ്ങും, ഇന്ത്യ ഉള്പ്പെടെ 150-ലധികം രാജ്യങ്ങളില് ഇത് ലഭ്യമാകും. നിങ്ങളുടെ രാജ്യത്തെ അടിസ്ഥാനമാക്കി സ്വയം ഫില്ട്ടര് ചെയ്യുന്ന ചാനലുകള് നിങ്ങള്ക്ക് കണ്ടെത്താം. അല്ലെങ്കില് പേരോ വിഭാഗമോ അനുസരിച്ച് ചാനലുകള് സെര്ച്ച് ചെയ്ത് കണ്ടെത്താം. പിന്തുടരുന്നവരുടെ എണ്ണത്തെ അടിസ്ഥാനമാക്കി പുതിയതും സജീവവും ജനപ്രിയവുമായ ചാനലുകളും നിങ്ങള്ക്ക് കാണാനാകും.
