ഭോപാല് : ടവല് കൊടുക്കാന് വൈകിയതിന് ഭാര്യയെ കൊലപ്പെടുത്തി,ഭര്ത്താവ് അറസ്റ്റില്. വനംവകുപ്പില് ജോലി ചെയ്യുന്ന രാജ്കുമാര് ബഹെ (50) ആണ് കൊലപാതകത്തിന് അറസ്റ്റിലായത്. മധ്യപ്രദേശില് ബാലഘട്ട് ജില്ലയിലെ ഹിരാപൂര് ഗ്രാമത്തില് ശനിയാഴ്ചയാണ് ഞെട്ടിക്കുന്ന സംഭവം.
വനംവകുപ്പില് ദിവസ വേതനാടിസ്ഥാനത്തില് ജോലി ചെയ്യുന്നയാളാണ് രാജ്കുമാര് ബഹെ. ജോലി കഴിഞ്ഞ് തിരിച്ചെത്തിയ ഇയാള് കുളിമുറിയില് നിന്ന് ഭാര്യയെ വിളിച്ച് ടവല് ആവശ്യപ്പെടുകയായിന്നു. ഇതേ സമയം പാത്രം കഴുകിക്കൊണ്ടിരിക്കുകയായിരുന്ന ഭാര്യ കുറച്ചുസമയം കാത്തിരിക്കാന് ആവശ്യപ്പെട്ടു. ഇതില് ക്ഷുഭിതനായ ഭര്ത്താവ് ഭാര്യ പുഷ്പ ഭായിയെ (45) കോരിക കൊണ്ട് തുടരെത്തുടരെ മര്ദ്ദിച്ച് കൊലപ്പെടുത്തുകയായിരുന്നു. ഇതിനിടെ പിതാവിനെ തടയാനെത്തിയ മകളെ ഭീഷണിപ്പെടുത്തി. പോലീസിനെ വിവരമറിയിച്ചത് മകളാണ്. മൃതദേഹം പോസ്റ്റ്മാര്ട്ടത്തിന് ശേഷം ഞായറാഴ്ച ബന്ധുക്കള്ക്ക് വിട്ടുകൊടുത്തു. കൊലക്കുറ്റത്തിന് പോലീസ് കേസെടുത്തിട്ടുണ്ട്.
