ചെറുതോണി : ഇടുക്കി പ്ലാനിങ് ഓഫീസിലെ വനിതാ ജീവനക്കാരിയെ ആക്രമിച്ച കേസിലെ പ്രതി പിടിയില്. ചെറുതോണി സ്വദേശി മനോഹരനെയാണ് ഇടുക്കി പോലീസ് അറസ്റ്റ് ചെയ്തത്. വാഴത്തോപ്പില് നിന്ന് ഡ്യൂട്ടി കഴിഞ്ഞു ചെറുതോണിയിലേക്ക് സഹപ്രവര്ത്തകയോടൊപ്പം വരികയായിരുന്ന ഷോളി ജോസഫിനെ സ്കൂട്ടര് തടഞ്ഞു നിറുത്തി പ്രതി ആക്രമിക്കുകയായിരുന്നു. അക്രമത്തില് ഷോളിയുടെ കാലിന് പൊട്ടലുണ്ടായി. ഇയാള് നിരവധി കേസുകളില് പ്രതിയാണ്. ജില്ലാ ആസ്ഥാന മേഖലയില് വനിതാ ജീവനക്കാരിക്ക് മര്ദനമേറ്റ സംഭവത്തില് വിവിധ കോണുകളില് നിന്നായി വലിയ പ്രധിഷേധം ഉയര്ന്നിരുന്നു.
