അഞ്ചല് : അധികാരത്തര്ക്കം ക്ഷേത്രഭരണസമിതി പ്രസിഡന്റിന് കുത്തേറ്റു. അയിലറ ആയിരവല്ലി മഹാദേവ ക്ഷേത്ര ഭരണസമിതി പ്രസിഡന്റ് കലുങ്ക് ജങ്ഷനില് മുരളി ഭവനില് മുരളീധരന്പിള്ള (60) ക്ക് കുത്തേറ്റത്. സംഭവത്തില് അയിലറ അജി ഭവനില് അനില്കുമാര് (46) അറസ്റ്റിലായി. ഭരണാധികാരത്തെപ്പറ്റി ട്രസ്റ്റ് ഭാരവാഹികളും വിശ്വാസികളും തമ്മില് കോടതിയില് കേസ് നിലവിലുണ്ട്. ഈ വര്ഷത്തെ ഉത്സവം നടത്തിപ്പ് ചുമതല പൊതുജനങ്ങള്ക്കായിരുന്നു. മധ്യസ്ഥ ചര്ച്ചയിലുണ്ടാക്കിയ കരാര് പ്രകാരം ഉത്സവശേഷം ക്ഷേത്രത്തിന്റെ താക്കോല് ഭരണസമിതിക്ക് തിരികെ കൈമാറി. ഇതിനെത്തുടര്ന്ന് തര്ക്കം വീണ്ടും രൂക്ഷമാകുകയായിരുന്നു.
